Huus van de Taol hef neie tweetaolige webstee

Foto:

Beilen – Het Huus van de Taol prissenteert zien neie webstee: hierop lat de de Drèentse streektaolorganisatie op een frisse, overzichtelijke en antrekkelijke manier zien wat heur wark precies inholdt. Op de webstee bint de vief warkvelden van de streektaolorganisatie te vinden: Taol, Schrieverij, Drents leren, Underzuuk en Op de plaanken. Wieder is er een agenda met activiteiten en is het leste neis op streektaolgebied te vinden.

Naost informatie over het Drents is der een webshop met schiere Drèentse kedogies en boeken, kuj filmpies van schrievers bekieken en kuj zien wie de metwarkers en het bestuur bint. Met de neie webstee zet het Huus van de Taol een belangrieke stap richting de toekomst. Renate Snoeijing, directeur van het Huus van de Taol: “Naost het hielemaol verneide ontwarp is de belangriekste veraandering dat oeze webstee nou ok een Nederlandstalige variant hef. Zo biw beter
zichtbaar én vindbaar veur lu die zölf niet (zo goed) Drèents leest en schrieft. Alle informatie is nou ok beter rangschikt, dus bezukers kunt eerder vinden wat ze neudig bint. Wij bint er van overtuugd daw met dizze webstee nog meer lu warm kunt maken veur het Drèents!”.

Het ontwarp van de neie webstee is maakt deur Villa5 oet Daolen. De techniek kwam veur rekening van StandOut oet Ommen.

Gao kieken op http://www.huusvandetaol.nl en beleef het zölf!

Reacties