Vera Vos uit de Wijk wint sloganwedstrijd Huus van de Taol

Drents aan de straat.
Drents aan de straat.
Foto: HvdT

Zuidwolde – Op de oproep van de Drentse streektaolorganisatie het Huus van de Taol um een pakkende kreet veur op de container te bedenken, bint meer as 250 inzendingen binnenkommen. Met zoveul schiere kreten was het stoer kiezen en daorum bint er niet ien, maor twei winnaars oetkeuzen: Vera Vos oet De Wiek die met ‘Wa’k kwiet wil’ een krachtige kreet anleverd hef. Femmie Harders oet Noord-Slien die op heur beurt met ‘A’k mij nou umkeer’ een tekst instuurd hef waor aj evenpies over naodenken moet.

Vanzölf kriegt beide winnaars heur eigen sticker op de container, maar dat is nog niet alles: de stickers wordt vanof nou ok verkocht in de webshop van het Huus van de Taol. Biezunder is dat winnares Vera Vos de stickers zölf ontworpen hef: zie studeert vörmgeving en toen ze wus dat ze wonnen har met heur kreet, hef ze anboden um ok het ontwarp te verzörgen. De stickers bint ok te kriegen in de variant ‘Wa’k kwiet wille’ en ‘As ik mij nou umkere’.

Vanof nou kan elkenien het Drents dus an de straot zetten!

Aanmelden nieuwsbrief
Cookieinstellingen