Zuudwolde – Streektaoldocent Ans Klok organiseert in nauwe saemenwerking mit het Huus van de Taol in Beilen de cursus Speulen mit spellen, een spellingcursus Drents. Het giet hier benaem um de schriefwieze van de streektaol zoas die in zuudwest Drenthe, waeter en raemen, eproot wordt, maor as ter belangstelling is komp ook het zuudoost Drents, water en ramen, an de orde. De cursus is bedoeld veur zowel begunners as gevorderden, veur jongern en oldern, veur old-Drenten en nei-Drenten. In vief aovends leer ie de algemiene spelling, het saementrekken van woorden, verkleinwoorden en waarkwoord-vervoegings. De cursus wordt egeven in het Drents. Dat is veur nei-Drenten veural de eerste vief menuten knap lastig, daornao is het vanzölfsprekend.
De cursusaovends bint veur eerst esteld op 5, 12, 19 en 26 november en 3 december. De cursus kost € 40,00, dit is inclusief het cursusboek en een spellingboekie. Aj oe op wilt geven of der meer over wilt weten kuj bellen mit 0521-592468.
